რჩევები თქვენი ფინანსებისა და სახელფასო ვალდებულებების უკეთ სამართავად

რჩევები თქვენი ფინანსებისა და სახელფასო ვალდებულებების უკეთ სამართავად

დღეს საქართველოში ძნელად თუ შეხვდებით ოჯახს, რომლის თუნდაც ერთი ოჯახის წევრი მაინც არ არის დაკავშირებული რომელიმე საკრედიტო კომპანიასთან სასესხო ვალდებულებით. კრედიტებზე მოთხოვნილების ზრდამ ბაზარზე საკრედიტო კომპანიების რიცხვის ზრდა განაპირობა. ამასთან, სხვაობა ბანკებსა და მცირე საკრედიტო კომპანიებს შორის ამბივალენტურია. ერთის მხრივ, ბანკები მომხმარებლებს სთავაზობენ გრძელვადიან სესხებს, მცირე საკრედიტო კომპანიებისგან განსხვავებით მსხვილ თანხებზე, ხოლო მეორეს მხრივ – საბანკო ოპერაციების სირთულიდან გამომდინარე, ბანკში სესხის აღება ბევრად უფრო მეტ პროცედურასა და წვრილ-წვრილ სირთულეებთანაა დაკავშირებული. ამის დასტურად შეგვიძლია ყველაზე თვალსაჩინო მაგალითი მოვიყვანოთ: მიუხედავად თანხის სიმცირისა, ბანკში სესხის ასაღებად მინიმუმ ორი სამუშაო დღე დაჭირდებათ, მცირე საკრედიტო კომპანიებთან ურთიერთობა კი ამ მომენტს თავიდანვე გიადვილებთ და სასურველი თანხის აღებას სახლიდან გაუსვლელად, სულ რაღაც ნახევარ საათში შეძლებთ. გარდა ამისა, ბანკში აუცილებლად დაგჭირდებათ წარადგინოთ მინიმუმ ექვსი თვის ოდენობის სახელფასო ამონაწერი იმ შემთხვევაში, თუ სესხს თქვენი სახელფასო ბარათის მომსახურე ბანკისგან განსხვავებულ ბანკში იღებთ. სიტუაციას ოდნავ შეგიმსუბუქებთ სესხის იმ ბანკში აღება, სადაც ხელფასი გერიცხებათ, თუმცა ვერც ამ შემთხვევაში ასცდებით სესხის გაცემის საკომისიოს, საკედიტო ბიუროში გადამოწმების საკომისიოსა და სხვა წვრილ-წვრილ ხარჯებს, როგორიცაა სიცოცხლის დაზღვევა და სხვა.

მეორეს მხრივ, მცირე საკრედიტო კომპანიებთან თანამშრომლობაც არ აადვილებს საქმეს. დღესდღეობით ბაზარზე მომრავლებულია ისეთი კომპანიები, რომლებიც სესხებს 30 დღის ვადით ადგილზე მიუსვლელად გასცემენ. ასეთი საკრედიტო ხაზებით ძირითადად მცირე შემოსავლის, ან მოკლე სახელფასო ამონაწერის მქონე მოსახლეობა სარგებლობს. გარდა ამისა, ონლაინ სესხებით სარგებლობა უადვილდებათ იმ კატეგორიის დასაქმებულებს, რომლებიც კერძო დამსაქმებელთან მუშაობენ და ხელფასს ხელზე იღებენ, ან უკვე იმხელა სესხი აქვთ აღებული, რომ ბანკები მათზე სესხებს აღარ გასცემენ. ასეთი ტიპის სესხები ნამდვილად მოსახერხებელია, თუმცა მოსახლეობას ავალდებულებს თანხა 30 კალენდარულ დღეში დაფარონ, რაც კონკრეტული სეზონებისათვის მეტად პრობლემატურია; მაგ: ზამთარში საახალწლო პერიოდში და ზაფხულში- დასვენების დროს. ჯარიმებისა და ვადაგადაცილების გამო ზედმეტი პროცენტის თავიდან ასაცილებლად მოსახლეობა ძირითადად შემდეგ სესხს სხვა მცირე საკრედიტო კომპანიებისაგან იღებს, რაც მათ სესხების და ვალების განუწყვეტელ ჯაჭვში ითრევს. სწორედ ამიტომაა, რომ დღეს საქართველოში ხშირად შეხვდებით სესხებისაგან წელში გატეხილ ოჯახებს.

ამ პრობლემის თავიდან ასაცილებლად გთავაზობთ რამდენიმე რჩევას:
1. სესხის აღებამდე გაითვალისწინეთ, რომ თითო ადამიანის საარსებო მინიმუმს თვის განმავლობაში 150 ლარი შეადგენს. თუ თქვენი ოჯახის ჯამური შემოსავალი აჭარბებს ოჯახის წევრებისათვის გათვალისწინებულ ჯამურ მინიმუმს, მაშინ შეგიძლიათ სესხის დასაფარად გამოიყენოთ საარსებო მინიმუმსა და ჯამურ შემოსავალს შორის არსებული სხვაობა.
2. არასოდეს აიღოთ იმაზე მეტი თანხა სესხად, რისი დაფარვაც გარანტირებულად არ შეგიძლიათ.
3. არასტაბილური შემოსავლის შემთხვევაში ყოველთვის შეგიძლიათ დააზღვიოთ თქვენი შემოსავალი.
ვიმედოვნებთ ჩვენი სტატია დაგეხმარებათ უკეთ მართოთ თქვენი შემოსავლები და სასესხო ვალდბულებები.





vivus.ge

ავტორი: 24Sesxebi.com

24Sesxebi.com ეს არის დამოუკიდებელი ვებ-გვერდი, რომელიც კონცენტრირებას ახდენს ქართველების ცნობიერების ამაღლებაზე სწრაფ და საგანვადებო სესხების შესახებ, რომელსაც გასცემენ არასაბანკო სექტორის კომპანიები. აქ ასევე მოთავსებულია ინფორმაცია ინტერნეტ სესხებზე, კრედიტებზე ნაღდი ანგარიშსწორებით და სხვა საფინანსო პროდუქტებზე. ვებ-გვერდზე ქვეყნდება უახლოესი რეიტინგები, ახალ ამბები სასესხო მომსახურებაზე, საკუთარი ფინანსების მართვის ცნობარები, ინფორმაცია სესხების ფასდაკლებებზე, და ასევე გამსესხებელი კომპანიების რეცენზიები და მათი შეთავაზებები.

Share This Post On